Race Gurram Villain : తెలుగు సినిమాల్లో పరభాషా నటుల ప్రభావం ఎక్కువే. అల్లు అర్జున్ హీరోగా వచ్చిన రేసుగుర్రం సినిమా ఎంతటి ఘన విజయం సాధించిందో తెలుసు. ఆ సినిమాతో అల్లు అర్జున్ తో పాటు అందులో విలన్ నటించిన రవికిషన్ కు కూడా అంతే పేరొచ్చింది. సినిమాలో ఇద్దరు పోటీపడి నటించారు. దీంతో సినిమా బ్రహ్మాండమైన హిట్ అందుకుంది. ఆ తరువాత వచ్చిన సినిమాలో రవికిషన్ కు అంతటి పేరు రాలేదు. సస
రేసుగుర్రం మథ్థాలి శివారెడ్డి పాత్రలో జీవించాడు. భోజ్ పురితో పాటు హిందీ సినిమాల్లో నటించే రవికిషన్ మొదటి సారిగా రేసు గుర్రతో టాలీవుడ్ లోకి అడుగు పెట్టాడు. తొలి చిత్రంతోనే మంచి మార్కులు కొట్టేశాడు. ఆ తరువాత వచ్చిన సినిమాల్లో అంత ప్రాధాన్యం రాలేదు. దీంతో రేసుగుర్రం అంటేనే శివారెడ్డి పాత్ర గుర్తుకు వస్తుంది. అంటే రవికిషన్ ఎంత బాగా నటించాడో అర్థమవుతుంది.
ఇక రవికిషన్ కు దేశభక్తి కూడా ఎక్కువే. 2019లో బీజేపీ తరఫున గోరఖ్ పూర్ ఎంపీగా పోటీ చేసి విజయం సాధించాడు. సినిమాల్లో నటిస్తుండగానే ప్రీతి శుక్లాతో వివాహం జరిగింది వారికి నలుగురు సంతానం. అందులో ముగ్గురు కూతుళ్లు ఒక కొడుకు ఉండటం గమనార్హం. రవికిషన్ కూతురు ఇషితా భారత సైన్యంలో చేరింది. 21 సంవత్సరాల వయసులోనే కేంద్ర ప్రభుత్వం తీసుకొచ్చిన అగ్నిపథ్ స్కీంలో భాగంగా దేశసేవకు అంకితమైంది.
దీంతో నెటిజన్లు ఆమెపై ప్రశంసల వర్షం కురిపిస్తున్నారు. కూతురును ప్రోత్సహించి సైన్యంలో చేర్పించిన రవికిషన్ ను కూడా పొగడ్తలతో ముంచెత్తుతున్నారు. కూతురుకు మంచి ప్రోత్సాహమిచ్చి సైన్యంలో చేరేందుకు అవకాశం ఇచ్చిన రవికిషన్ బుద్ధిని స్తుతిస్తున్నారు. దేశ సేవలకు అంకితం కావడం మామూలు విషయం కాదని అంటున్నారు. రవికిషన్ లో దేశభక్తి ఇంతలా ఉందనే విషయం వారికి తెలియదంటున్నారు.
