Vishwak Sen Vs Sai Rajesh:
ప్రస్తుతం బేబి సినిమా విజయవంతంగా ప్రదర్శితమవుతోంది. చిన్న సినిమానే అయినా పెద్ద విజయం నమోదు చేసింది. రూ. వంద కోట్ల కలెక్షన్ల వైపు పరుగులు పెడుతోంది. పెద్ద సినిమాలు చతికిల పడినా బేబి మాత్రం దూసుకుపోతోంది. ఎలాంటి అంచనాలు లేకుండా వచ్చి ప్రస్తుతం పరిశ్రమనే షేక్ చేస్తోంది. బేబి హిట్ అందరిని ఆశ్చర్యానికి గురి చేస్తోంది. స్టార్ హీరోలు కాకపోయినా బ్రహ్మాండమైన విజయాన్ని సొంతం చేసుకుని పోటీలో నిలవడం గమనార్హం.
ఈ సినిమా మొదట విశ్వక్ సేన్ ను హీరోగా అనుకున్నారట. కానీ అతడు దర్శకుడి కథ వినడానికి కూడా సమయం ఇవ్వలేదట. తరువాత దర్శకుడు సాయి రాజేష్ ఓ హీరో తన కథ కూడా వినలేదని అనడంతో ఇద్దరి మధ్య వివాదం రేగింది. చివరకు మాటల యుద్ధానికి దారి తీసింది. ఒకరిపై మరొకరు విమర్శలు చేసుకునే వరకు వెళ్లింది. బేబి సినిమా విజయం తరువాత ఇద్దరి మధ్య మాటల వార్ కొనసాగింది.
అతడు తన కథ ఎందుకు వినలేదో తెలియదు. బహుశా ఆయన ప్రాధాన్యత జాబితాలో తన పేరు లేకపోయి ఉండొచ్చని చెప్పుకొచ్చాడు. అతడు తిరస్కరించిన విధానానికి బాధపడ్డానని ఓపెన్ అయ్యాడు. అతడి మొదటి సినిమా వెళ్లిపోమాకే సినిమా బయటకు రావడానికి ఎంతో కష్టపడ్డాను. అల్లు అరవింద్, దిల్ రాజు లాంటి నిర్మాతలను కలిసి వాళ్లకు సినిమా చూపించి విడుదలయ్యే వరకు చాలా కష్టపడ్డాను.
విశ్వక్ సేన్ వద్దనుకోవడంతో సినిమా ఆనంద్ దేవరకొండకు చేరింది. వారు నమ్మి చేసినందుకు హిట్ సాధించింది. ఇప్పటికే రూ. 80 కోట్లు వసూళ్లు దాటింది. హీరోయిన్ వైష్ణవి చైతన్య నటన ఆకట్టుకుంది. 2023లో మంచి లాభాలు సాధించిన చిత్రంగా రికార్డులు సాధించడం గమనార్హం. మొత్తానికి వీరిద్దరి వివాదంతో కూడా సినిమాకు ప్లస్ అయిందని ప్రేక్షకులు అభిప్రాయపడుతున్నారు.
