Ustaad Bhagat Singh Update:
పవన్ కల్యాణ్ కెరీర్ లోనే బ్రహ్మాండమైన హిట్ గా గబ్బర్ సింగ్ నిలిచింది. హిందీలో సల్మాన్ ఖాన్ హీరోగా తీసిన దబాంగ్ మూవీని తెలుగు నేటివిటీకి అనుగుణంగా తీర్చిదిద్దాడు దర్శకుడు హరీష్ శంకర్. పుష్కర కాలం క్రితం వచ్చిన గబ్బర్ సింగ్ పవన్ కల్యాణ్ ను మరో కోణంలో చూపించింది. ఈ సినిమాతో రికార్డులన్ని బద్దలయ్యాయి. ఇప్పుడు మళ్లీ అదే కాంబినేషన్ లో ఉస్తాద్ భగత్ సింగ్ వస్తోంది. దీనిపై కూడా భారీ అంచనాలు ఉన్నాయి.
ఉస్తాద్ భగత్ సింగ్ పై కొన్ని పుకార్లు షికార్లు చేస్తున్నాయి. ఇది తేరీ సినిమాకు రీమేక్ అని అంటున్నారు. కానీ టీజర్ చూసిన తరువాత అది తప్పని అంటున్నారు. హరీష్ శంకర్ పవన్ కల్యాణ్ కోసం పవర్ ఫుల్ కథ రాసుకున్నారని తెలుస్తోంది. గతంలో హరీష్ శంకర్ ను దూషించిన పవన్ అభిమానులు ఇప్పుడు క్షమాపణలు చెబుతున్నారు.
ఇంకా ఉస్తాద్ భగత్ సింగ్ ప్రాజెక్టు ఆగిపోయిందని మరో పుకారు చక్కర్లు కొడుతోంది. ఆంధ్రప్రదేశ్ లో ఎన్నికలు సమీపిస్తున్న వేళ ఎన్నికల అనంతరం చేద్దామని పవన్ కల్యాణ్ చెప్పారనే వార్త వెలువడుతోంది. దీంతో ప్రాజెక్టును రవితేజతో చేయడానికి ప్లాన్ చేసుకుంటున్నారని పుకార్లు లేచాయి. దీంతో దీని మీద వస్తున్న పుకార్లలో నిజం లేదని చిత్రం యూనిట్ కొట్టిపారేస్తోంది.
అనుకున్న సమయానికంటే ముందే సంక్రాంతి బరిలో నిలిచేందుకు ఏర్పాట్లు చేసుకుంటున్నారు. సినిమా కోసం 30 రోజుల కాల్షీట్లు ఇచ్చారని దీంతో సినిమా ఆ సమయంలో సినిమా పూర్తి చేయడానికి సన్నాహాలు చేస్తున్నారు. ఇదివరకే కొంత షూటింగ్ జరిగిది. మిగిలిన దాన్ని పూర్తి చేసి తొందరగా సినిమాను విడుదల చేయాలని భావిస్తున్నారు. సినిమాను మైత్రి మూవీస్ నిర్మిస్తుండగా శ్రీలీల హీరోయిన్ గా చేస్తోంది.