Sreeleela : టాలీవుడ్ లో శ్రీలీల పేరు ఓ రేంజ్ లో మారుమ్రోగిపోయింది. ఆమె నటించిన ధమాకా సినిమా మంచి సక్సెస్ సాధించడంతో ఆమెకు డజనుకు పైగా సినిమా అవకాశాలు వచ్చాయి. అయితే కోలీవుడ్ హీరో విజయ్ నటిస్తున్న ‘గోట్’ సినిమాలో స్టార్ హీరోయిన్ శ్రీలీల ఓ ఐటెం సాంగ్ లో నటిస్తున్నట్లు తెలుస్తోంది. దీనిపై అధికారిక ప్రకటన రానప్పటికీ సినిమా వర్గాల్లో టాక్ నడుస్తోంది. వెంకట్ ప్రభు తెరకెక్కిస్తున్న ‘గోట్’లో మీనాక్షి చౌదరి హీరోయిన్ గా నటిస్తున్నారు. స్నేహ, లైలా, ప్రశాంత్, ప్రభుదేవా కీలక పాత్రలు పోషిస్తుండగా యువన్ శంకర్ సంగీతం అందిస్తున్నారు.
టాలీవుడ్ లో అందరు హీరోలతో కలిసి డజనుకు పైగా చిత్రాలలో నటించిన శ్రీలీలకు చేదు అనుభవమే ఎదురైంది. ఆమె నటించిన సినిమాలన్నీ ఫ్లాప్ కావడంతో సినిమా అవకాశాలు కూడా పూర్తిగా తగ్గిపోయాయి. ప్రస్తుతం ఆమె పవన్ కళ్యాణ్ ‘ఉస్తాద్ భగత్ సింగ్’ సినిమా మాత్రమే నటిస్తోంది. అయితే ఆమెకు తమిళంలో స్టార్ హీరోలు అజిత్, విజయ్ సినిమాలలో నటించే అవకాశాలు వచ్చినట్లు వార్తలు వెలువడుతున్నాయి.