ప్రపంచ దిగ్గజ సంస్థ గూగుల్ లో పని చేస్తున్న సాఫ్ట్ వేర్ ఉద్యోగులు Suicides పాల్పడుతున్న ఘటనలు తరుచూ కనిపిస్తుననాయి. గత ఫిబ్రవరిలో ఒకరు మృతి చెందగా తాజాగా గురువారం (మే 4)వ తేదీ మరో వ్యక్తి మరణించాడు. అయితే ఇతని మరణం సూసైడా, లేక మర్డరా..? అని ఇంకా నిర్ధారణ కాలేదు. అయితే అతను గూగుల్ కంపెనీలో సాఫ్ట్ వేర్ ఎంప్లాయిగా మాత్రం పోలీసులు ప్రాథమికంగా గుర్తించారు.
పోలీసులు తెలిపిన వివరాల ప్రకారం.. వెస్ట్ 15వ వీధిలోని 15వ అంతస్తుల ఆర్ట్ డెకో భవనం ఎదురుగా ఉన్న మరో భవనం కింది భాగంలో ఒక గుర్తు తెలియని మృతదేహంను స్థానికులు గుర్తించారు. వెంటనే వారు అక్కడి డయల్ యువల్ పోలీస్ 911కు కాల్ చేసి సమాచారం ఇచ్చారు. పోలీసులు ఘటనా స్థలానికి చేరుకొని పరిశీలిస్తే ఆ వ్యక్తి అపస్మారక స్థితిలోకి వెళ్లిపోయాడా.. లేక మరణించాడా అనేది తెలియలేదు. దీంతో వెంటనే వారు బెల్లేవ్ లోని ఒక హాస్పటల్ కు తరలించారు. అయితే అప్పటికే ఆయన చనిపోయినట్లు వైద్యులు ధ్రువీకరించారు.
అసలు ఆ మృతదేహం అక్కడికి ఎవరైనా తీసుకువచ్చారా..? లేక సదరు వ్యక్తి ఆత్మహత్య చేసుకున్నాడా అన్న ఇన్వెస్టిగేషన్ చేసిన పోలీసులకు ఆబిల్డింగ్ లోని 14వ అంతస్తులో మృతుడి తాలూకు హ్యాండ్ ప్రింట్లు లభించాయి. దీంతో ఈ అంతస్తు నుంచి పడి ఉండాటని భావిస్తున్నారు. అయితే సదరు వ్యక్తి మాత్రం గూగుల్ సంస్థలో పని చేస్తుంటాడని, అతని కుటుంబ సభ్యుల వివరాలు ఇంకా తెలియరాలేదని చెప్తున్నారు.
వరుసగా తమ సంస్థలోని ఉద్యోగులు Suicides చేసుకోవడంపై సంస్థ ఆందోళన వ్యక్తం చేస్తున్నట్లు తెలుస్తోంది. గతంలో ఇదే సంస్థలో పని చేసే జాకబ్ ప్రాట్ ఆత్మహత్య చేసుకున్నాడు. 33 సంవత్సరాలు ఉన్న ఆయన మానహాటన్ ప్రధాన కార్యాలయంలో పని చేస్తున్నాడు. జాకబ్ ప్రాట్ ఫిబ్రవరి 16న చెల్సియాలోని వెస్ట్ స్ట్రీట్ 26లోని 6వ అంతస్తులోని అపార్ట్ మెంట్ లో ఉరేసుకున్నాడు.
