whatsapp ప్రపంచం అరచేతి (సెల్) లోకి వచ్చాక చాలా చిన్నదిగా మారింది. ప్రపంచంలో ఏ మూలన ఉన్న కొన్ని మాధ్యమాలు మనుషులను కలుపుతున్నాయి. అందులో ప్రముఖ పాత్ర పోషించేది ‘వాట్సప్’. గతంలో ఫేస్ బుక్ లాంటి మాధ్యమాలు ఉన్నా.. వాట్సప్ దీనికి డిఫరెంట్ గా ఉంటుంది. ఇద్దరు, లేదా అంతకంటే ఎక్కువ మంది వ్యక్తులు నిత్యం చాట్ చేసుకునేందుకు వాట్సప్ మాధ్యమం బాగా పని చేస్తుంది.
వాట్సప్ రూపొందించినప్పటి నుంచి తనను తాను మార్చుకుంటూ వస్తుంది. ఇందులో భాగంగా ఇప్పుడ కూడా కొత్త ఫీచర్ తో మన ముందుకు వస్తున్నట్లు మెటా తెలిపింది. ఈ ఫీచర్ తో మరింత సౌకర్యవంతంగా మెసేజ్ లను పంపవచ్చని చెప్పింది.
ఒక వ్యక్తికి మెసేజ్ చేయాలంటే అతను తన కాంటాక్ట్ లిస్ట్ లో ఉంటే మాత్రమే అనుమతిస్తుంది. కానీ ఈ ఫీచర్ తో కాంటాక్ట్ లిస్ట్ లో లేకున్నా కూడా సదరు వ్యక్తికి మెసేజ్ పంపవచ్చు. డాక్యుమెంట్లు, మెసేజ్, వీడియోలు, ఫొటోలు షేర్ చేయాలంటే అతను తన కాంటాక్ట్ అయి ఉండాలనే నిబంధనతో చాలా ఇబ్బందులు కలిగేవి. మొదలు అతని నెంబర్ ఫోన్ లో సేవ్ చేసుకున్నాక మాత్రమే అతనికి పంపేవారం. ఇక ఆ నెంబర్ అలానే కాంటాక్ట్ లిస్ట్ లో ఉండడం వల్ల ఇబ్బందులు కలిగేవి. త్వరలో దీనికి స్వస్తి చెప్తామని మెటా తెలిపింది. ఈ ఫీచర్ ఇప్పటి వరకు కొందరు ప్రముఖులకు మాత్రమే అందుబాటులో ఉంచింది. ఇక త్వరలో అందరికీ అందుబాటులోకి తీసుకురావాలని మెటా భావిస్తోంది. కానీ దీనిపై ఇప్పటి వరకు అధికారికంగా ఎలాంటి సమాచారం ఇవ్వలేదు.