California : అమెరికాలోని కాలిఫోర్నియాలో ఇల్లు కొనుక్కోవాలని అనుకుంటున్నారా? అక్కడే స్థిరపడాలని చూస్తున్నారా? మీ ఆశలకు అనుగుణంగా ఇల్లు కావాలని కోరుకుంటున్నారా? అయితే కొంత కాలం ఆగాల్సిందే. అక్కడి ధరలు చూస్తే మనం ఆశ్చర్యపోవం ఖాయం. ప్రస్తుతం కాలిఫోర్నియాలో ఇళ్ల ధరలు ఆకాశాన్నంటుతున్నాయి. అక్కడి జనాభాలో 16 శాతం మంది మాత్రమే ఇల్లు కొనుగోలు చేయగలిగే స్థితిలో ఉన్నారని పలు సర్వేలు చెబుతున్నాయి.
ఇళ్లు కొనుగోలు చేసే శక్తి 16 ఏళ్ల నాటి కనిష్ట స్థానానికి చేరుకుంది. గతేడాదితో పోలిస్తే 17 శాతం మేర తగ్గింది. 2012 నాటి లెక్కలతో పోలిస్తే 50 శాతం మేర తగ్గినట్లు తెలుస్తోంది. అమెరికా వ్యాప్తంగా సగటున 36 శాతం మంది మధ్యస్త ధరలో కూడా ఇళ్లు కొనలేని స్థితిలో ఉన్నారని చెబుతున్నారు. దీనికి కారణం ధరలు విపరీతంగా పెరగడమే. దీంతో చాలా మంది ఇళ్లు కొనాలంటే జంకుతున్నారు.
హోం లోన్ వడ్డీ రేట్లు కూడా పెరగడానికి మరో కారణం. ప్రస్తుతం 8 లక్షల డాలర్ల విలువైన ఇల్లు కొనాలంటే అక్కడి వారికి కనీసం రూ. 2 లక్షల డాలర్ల జీతం ఉండాల్సిందే. లేకపోతే మనుగడ కష్టమే. ఇక శాన్ నూటియో, శాంటాక్టరా, కౌంటీల్లోని వారికైతే ఈ ఆదాయం మరింత ఎక్కువ కానుందని అంటున్నారు. అమెరికాలో జీవనం కాస్త కాస్ట్లీగాగానే మారాయి.