Sleeping Tips మనకు తిండితో పాటు నిద్ర కూడా అవసరమే. రోజు కనీసం 7-8 గంటలు నిద్ర పోకపోతే అనారోగ్య సమస్యలు ఏర్పడతాయి. ఆధునిక కాలంలో చాలా మంది రాత్రి విధులు నిర్వహిస్తున్నారు. దీంతో వారికి నిద్ర కరువవుతోంది. నిద్ర సరిగా లేకపోతే రోగాలు చుట్టుముడతాయి. మనం నిద్రపోతే గుండె కూడా కాస్త విశ్రాంతి తీసుకుంటుంది. లేదంటే 24 గంటలు పనిచేసి అలసిపోతుంది. దీని వల్ల గుండెజబ్బుల ముప్పు వస్తుంది.
నిద్రతోనే అన్ని సమస్యలకు చెక్
మనిషికి రోజు సరైన నిద్ర ఉంటే చాలా రకాల రోగాలకు చెక్ పెట్టొచ్చు. నిద్రలోనే శరీరం పూర్తి విశ్రాంతి తీసుకుంటుంది. అవయవాలన్ని మనం నిద్రలో ఉన్నప్పుడు రిలాక్సయి తెల్లవారి లేవగానే చురుకుగా పనిచేస్తాయి. మైగ్రేన్ వంటి తలనొప్పికి మంచి నిద్ర మందులా పనిచేస్తుంది. హాయిగా నిద్రపోతే గుండెజబ్బుల ముప్పు కూడా రాదు. రోగనిరోధక శక్తి పెరుగుతుంది. తద్వారా మనకు మంచి శక్తి లభిస్తుంది.
శరీరంపై ముడతలు పడవు
మనిషికి సరైన నిద్ర లేకపోతే శరీరం ముడతలు పడుతుంది. ముసలి లక్షణాలు కనిపిస్తాయి. అదే మంచి నిద్ర ఉంటే శరీరం నిగనిగలాడుతుంది. నిద్ర సరిగా ఉంటే శరీరంలో స్ట్రెస్ హార్మోన్లు విడుదలై చర్మం, ముఖంపై ముడతలు లేకుండా చేస్తాయి. నిద్ర లేకపోతే గ్రోత్ హార్మోన్లు విడుదల కావు. దీంతో ముడతలు వచ్చి ఇబ్బందులకు గురి చేస్తాయి.
కండరాలపై ప్రభావం
మనిషికి మంచి నిద్ర లేకపోతే కండరాల వ్యవస్థపై ప్రభావం పడుతుంది. దీని వల్ల కీళ్లనొప్పులు వస్తాయి. ఎక్కువ కాలం నిద్ర దూరమైతే అల్జీమర్స్ వచ్చే ప్రమాదం ఉంటుంది. దీంతో మనకు ఏది గుర్తుకు ఉండదు. చిన్నపిల్లల్లా ప్రవర్తిస్తుంటారు. అందుకే మన మెదడు రిలాక్స్ కావాలంటే నిద్ర ముఖ్యం. వీటన్నింటికి ముఖ్య కారణం సరైన నిద్ర కావడం గమనార్హం.
