Hair Beautiful : ప్రతి వ్యక్తిని అందంగా కనిపించాలని ఆశ ఉంటుంది. మన అందం బాగుండాలంటే వెంట్రుకలు ప్రధాన పాత్ర పోషిస్తాయి. కానీ ప్రస్తుత పరిస్థితుల్లో చిన్నతనంలో జుట్టు రాలిపోతోంది. ఇంకా తెల్లబడుతోంది. శరీర సౌందర్యంలో జుట్టు ప్రధాన పాత్ర పోషిస్తుంది. అందుకే జుట్టు కోసం అందరు తాపత్రయపడుతుంటారు. జుట్టు సంరక్షణలో కొన్ని జాగ్రత్తలు తీసుకుంటే జుట్టుకు ఇబ్బందులు ఉండవు.
అందమైన జుట్టు కావాలంటే కొన్ని చర్యలు తీసుకోవాలి. కొందరు ఖరీదైన సెలూన్లకు వెళ్తుంటారు. విలువైన ప్రొడక్ట్స్ వాడుతుంటారు. కానీ కొన్ని టిప్స్ పాటిస్తే జుట్టు అందంగా తయారవుతుంది. తలస్నానం చేసే ముందు మనం పాటించే టిప్స్ జుట్టును అందంగా మారుస్తాయి. దీంతో జుట్టు మెరిసేందుకు కారణమవుతుంది. మనం తీసుకునే జాగ్రత్తలే మనకు శ్రీరామరక్ష.
మనం షాంపూ చేసుకునే ముందు జుట్టుకు నూనె రాసుకుంటే మంచిది. కుదుళ్లకు నూనె పొరలా ఏర్పడి తేమను అందిస్తుంది. దీంతో షాంపూలోని హానికరమైన ప్రభావాల నుంచి కాపాడుతుంది. షాంపూ చేసుకోవడానికి ముందు కొబ్బరినూనె, ఆలివ్ నూనెతో జుట్టుకు మసాజ్ చేసుకుంటే మంచి ఫలితాలు వస్తాయి. దీంతో మన జుట్టు ఆరోగ్యంగా ఉంటుంది.
షాంపూ చేసుకోవడానికి ముందు జుట్టులో చిక్కులు లేకుండా దువ్వుకోవాలి. దీంతో షాంపూ జుట్టును మెరుగ్గా చేస్తుంది. వెడల్పు పండ్ల దువ్వెనతో జుట్టును బాగా దువ్వుకుంటే జుట్టు రాలడాన్ని ఆపొచ్చు. షాంపూ పెట్టుకోవడానికంటే ముందు జుట్టును గోరువెచ్చని నీటితో తడిపితే మంచిది. తరువాత జుట్టును స్వ్వీజ్ చేస్తే మేలు. జుట్టుకు షాంపూ సరిగా పట్టించాలి. ఇలా జాగ్రత్తలు తీసుకుంటే జుట్టు సంరక్షణ సాధ్యమే అని తెలుసుకుంటే సరి.