Gray Hair : ప్రస్తుత పరిస్థితుల్లో జుట్టు తెల్ల బడటం, రాలిపోవడం లాంటి సమస్యలు వేధిస్తున్నాయి. పూర్వం రోజుల్లో ముసలి తనంలో జుట్టు ఊడిపోయేది. కానీ ఇప్పుడు యుక్త వయసులోనే బట్టతల వస్తోంది. జుట్టు తెల్లబడుతోంది. ఈనేపథ్యంలో జుట్టు తెల్లబడటం అనారోగ్యానికి సంకేతమా? ఎందుకు జుట్టు తెల్లబడుతోందనే వాదనలు వినిపిస్తున్నాయి.
జుట్టు రక్షణ కోసం పలు చర్యలు తీసుకోవాల్సి వస్తుంది. కానీ అవి సరైన ఫలితాలు ఇవ్వడం లేదు. జుట్టు కోసం మనం వాడే షాంపూలు కూడా కారణంగానే నిలుస్తున్నాయి. షాంపూల్లో ఉండే సల్ఫేట్ సంబంధించిన పదార్థాలు జుట్టు రాలడానికి, తెల్లబడటానికి కారణమవుతోంది. సల్ఫేట్ లోని అతి తక్కువగా ఉండే హెయిర్ ఆయిల్స్, షాంపూ వాడటం మంచిది.
షాంపూలో ఒమేగా-3, ఒమేగా-6, బయోటిన్, కెరోటిన్ వంటి పదార్థాలు ఉండేలా చూసుకోవాలి. మన శరీరంలో విటమిన్ బీ12, విటమిన్ డి లోపం మెలనిన్ ఉత్పత్తి తగ్గిపోవడం, థైరాయిడ్ సమస్యలు, ధూమపానం, ఒత్తిడి, ఆందోళన, నిద్ర లేమి వల్ల జుట్టు నెరిసిపోతుందని నిపుణులు చెబుతున్నారు. ఇలా జుట్టు తెల్లబడటం అనారోగ్యానికి సంకేతమా అని చెబుతున్నారు.
ఇలా జుట్టు రాలిపోవడం, తెల్లబడటం వంటి సమస్యలు మన ఆరోగ్యాన్ని ప్రభావితం చేస్తాయని చెబుతున్నారు. ప్రస్తుత జీవనశైలి మనకు ఇలాంటి ఇబ్బందులు రావడానికి కారణమవుతున్నాయి. మనం తినే ఆహారం కలుషితం అవుతోంది. దీంతో మన ఆరోగ్యం దెబ్బతింటుంది. చిన్నవయసులోనే జుట్లు రాలడం, తెల్లబడటం వంటివి జరుగుతున్నాయి.
