Dravid Continue as Coach : వన్డే ప్రపంచ కప్ ముగిసింది. ట్రోఫీ దక్కకపోవడంతో నిరాశ చెందారు. రోహిత్ శర్మ, విరాట్ కోహ్లి ఇక వన్డేలకు సెలవు ప్రకటిస్తారని అనుకుంటున్నారు. కొత్తతరం వారిని తీసుకోవాలని బీసీసీఐ భావిస్తున్నట్లు తెలుస్తోంది. ఇందులో భాగంగానే కోచ్ రాహుల్ ద్రవిడ్ భవితవ్యం మీద కూడా చర్చ సాగుతోంది. ద్రవిడ్ ను కూడా ఇంటికి పంపించే ఆలోచనలో ఉన్నట్లు సమాచారం.
రెండేళ్ల కింద టీ20 ప్రపంచ కప్ సమయంలో ద్రవిడ్ కోచ్ బాధ్యతలు తీసుకున్నారు. టీమిండియాకు ఎన్నో విజయాలు దక్కడంలో ప్రధాన పాత్ర పోషించారు. ఎంతో మంది ఆటగాళ్లకు అవకాశాలు దక్కేలా చేశారు. వారి ప్రతిభను బయటకు తీసుకురావడంతో కీలక పాత్ర నిర్వహించారు. మూడు ఫార్మాట్లలో భారత్ నెంబర్ వన్ స్థానంలో నిలిపేందుకు పాటుపడ్డాడు.
త్వరలో ఆస్ట్రేలియాతో జరగబోయే టీ20 సిరీస్ కు లక్ష్మణ్ కోచ్ గా వ్యవహరించనున్నాడని తెలుస్తోంది. వచ్చే నెలలో టీ20 సిరీస్ కోసం దక్షిణాఫ్రికా వెళ్లే జట్టుకు కోచ్ ఎవరనే దానిపై స్పష్టత లేదు. ద్రవిడ్ కాలాన్ని మరో ఏడాది పొడిగిస్తారో లేదో తెలియడం లేదు. పాతతరం ఆటగాళ్లలో ఎవరు కూడా కోచ్ గా రావడానికి ఇష్టపడటం లేదు.
ఇన్నాళ్లు జట్టు కోసమే సేవలందించాం. ఇప్పుడైనా కుటుంబంతో సంతోషంగా గడపాలనే ఉద్దేశంతోనే సచిన్, గంగూలీ, సెహ్వాగ్, జహీర్ లాంటి ఆటగాళ్లు కోచ్ గా రావడానికి ముందుకు రావడం లేదు. దీంతో కోచ్ పదవికి ఖాళీ ఏర్పడుతోంది. ద్రవిడ్ కూడా అయిష్టంగానే వచ్చాడు. ద్రవిడ్ తప్పుకుంటే లక్ష్మణ్ సిద్ధంగానే ఉన్నాడు. బీసీసీఐ ఏ నిర్ణయం తీసుకుంటుందో తెలియడం లేదు.
