కాంగ్రెస్ పార్టీ మాజీ అధ్యక్షుడు రాహుల్ గాంధీ తన ట్విట్టర్ హ్యాండిల్ బయోను వినూత్నంగా మార్చాడు. ట్విట్టర్ లో తన పేరు కింద మెంబర్ ఆఫ్ పార్లమెంట్ అని ఉండేది అయితే ఇటీవల రాహుల్ గాంధీని డిస్ క్వాలిఫై చేసారు. దాంతో తన బయోను మార్చాడు. ‘Dis ‘Qualified MP ‘ అని మార్చాడు. సోషల్ మీడియాలో అది ఇప్పుడు వైరల్ గా మారింది.
2019 ఎన్నికల్లో ప్రధాని మోడీపై తీవ్ర స్థాయిలో విమర్శలు చేసాడు రాహుల్ గాంధీ. అయితే ఆ వ్యాఖ్యలపై సూరత్ కోర్టును ఆశ్రయించారు బీజేపీ నేతలు. పరువు నష్టం కేసులో వాదోపవాదాలు పూర్తయ్యాక రాహుల్ గాంధీ ని దోషిగా తేల్చుతూ రెండేళ్ల శిక్ష విధించింది కోర్టు. దాంతో రెండేళ్ల శిక్ష పడిన ఎమ్మెల్యేలు , ఎంపీ లు సభలో సభ్యత్వం కోల్పోతారు. దాంతో రాహుల్ గాంధీ లలోక్ సభ సభ్యత్వాన్ని రద్దు చేసింది సెక్రటేరియట్.
రాహుల్ గొంతును నొక్కడానికే ఇలా లోక్ సభ సభ్యత్వాన్ని రద్దు చేసారని ప్రతి పక్షాలు తీవ్ర ఆగ్రహం వ్యక్తం చేస్తున్నాయి. ఇక రాహుల్ గాంధీ అయితే భయపడేది లేదు …… క్షమాపణ చెప్పేది లేదు …… మరింతగా పోరాటం చేస్తానని అంటున్నాడు. అందులో భాగంగానే తన ట్విట్టర్ హ్యాండిల్ ను అలా వినూత్నంగా మార్చాడు.
