Lady Finger : దేశంలో 80 మిలియన్ల మంది మధుమేహంతో బాధపడుతున్నారు. 2045 నాటికి 135 మిలియన్లకు చేరుకుంటుందని అంచనా వేస్తున్నారు. అంటే షుగర్ ఎంత వేగంగా వ్యాపిస్తోందో తెలుస్తోంది. ఈ నేపథ్యంలో షుగర్ ఉన్న వారు తాజా కూరగాయలు తింటే మంచి ఫలితాలు ఉంటాయి. ఆహారంలో పండ్లు చేర్చుకోవడం కూడా మంచిదే. షుగర్ నియంత్రణకు ఇవి ఎంతో దోహదపడతాయి. డయాబెటిస్ ను అదుపులో ఉంచే కూరగాయల్లో బెండకాయ కూడా ఒకటి.
బెండకాయలో ప్రొటీన్లు, కాల్షియం, ఐరన్, మెగ్నిషియం, పాస్పరస్, పొటాషియం, జింక్, విటమిన్ ఎ, బి1, బి2, బి3, విటమిన్ సి, విటమిన్ ఇ, విటమిన్ కె వంటి పోషకాలు ఉండటం వల్ల ఆరోగ్యానికి ఎంతో మంచిది. ఇందులో యాంటీ ఆక్సిడెంట్లు మెండుగా ఉన్నాయి. దీంతో మధుమేహులకు ఇది మంచి ఆహారంగా చెబుతారు.
మనం తినే ఆహారాలు త్వరగా జీర్ణం కావడానికి తోడ్పడుతుంది. రక్తంలో చక్కెర శాతం తగ్గిస్తుంది. షుగర్ లెవల్స్ కంట్రోల్ లో ఉంచుతుంది. షుగర్ పేషెంట్లు ప్రొటీన్ రిచ్ ఆహారం తీసుకుంటే మంచిది. దీంతో కడుపు నిండిన ఫీలింగ్ ఉంటుంది. ఆహారం ఎక్కువగా తీసుకోకుండా నిరోధిస్తుంది. ఇందులో కేలరీలు తక్కువగా ఉండటం వల్ల బరువు కంట్రోల్ లో ఉంచుతుంది.
బెండకాయలో ఉండే జిగురు వల్ల కూడా మనకు మంచి ప్రయోజనాలు దక్కుతాయి. ఇలా బెండకాయ తినడం వల్ల ఆరోగ్యానికి మేలు చేస్తుంది. బెండకాయ కూర, పులుసు, ఇగురు, పచ్చడి వంటి వాటి ద్వారా తినొచ్చు. ఇందులో ఉండే ప్రొటీన్లతో మనకు చాలా రకాల బెనిఫిట్స్ కలగనున్నాయి.
