అల్లు అర్జున్ ….. యూత్ ఐకాన్ గా మారాడు ….. పాన్ ఇండియా స్టార్ అయ్యాడు. అయితే గంగోత్రి సినిమా సమయంలో మాత్రం దారుణమైన విమర్శలను ఎదుర్కొన్నాడు. గంగోత్రి సినిమాతో హీరోగా తెరంగేట్రం చేసాడు అల్లు అర్జున్. అయితే ఆ సినిమాలో అల్లు అర్జున్ ని చూసిన మెగా అభిమానులు మాత్రమే కాదు యావత్ తెలుగు ప్రేక్షకులు కూడా అల్లు అర్జున్ లుక్ పై దారుణమైన విమర్శలు చేసారు.
యితడు హీరో ఏంట్రా బాబూ ! మరేం ……. మామయ్య మెగాస్టార్ , తండ్రి స్టార్ ప్రొడ్యూసర్ కాబట్టి హీరో అయ్యాడులే …… లేకపోతే ఇతను హీరో ఏంటి ? ఆ ముఖాన్ని ఎప్పుడైనా అద్దంలో చూసుకున్నాడా ? లేదా ? అంటూ దారుణాతి దారుణమైన కెమెంట్స్ చేసారు. ఇంకా అప్పట్లో సోషల్ మీడియా లేదు ….. లేకపోతే ఇంకా దారుణమైన మీమ్స్ , భాష వాడేవాళ్లు.
అయితే ఎవరు ఎన్ని విమర్శలు చేసినా కూడా అల్లు అర్జున్ మాత్రం ఆ విమర్శలను సోపానాలుగా మలుచుకున్నాడు. ఎంతగా విమర్శలు చేశారో అలాంటి వాళ్ళ చేతనే శభాష్ …… హీరో అంటే నువ్వేరా ? అనిపించేలా చేసాడు. సిక్స్ ప్యాక్ తో టాలీవుడ్ లో సరికొత్త చరిత్ర సృష్టించాడు. అల్లు అర్జున్ కు ముందు టాలీవుడ్ లో సిక్స్ ప్యాక్ చేసిన హీరోలు లేరు.
అంతేనా అద్భుతమైన డ్యాన్స్ తో అదరగొట్టాడు. ఒక్కో మెట్టు ఎక్కుతూ తనని దారుణంగా విమర్శించిన వాళ్ళ చేతనే పొగడ్తల వర్షం కురిపించేలా చేసాడు. తనని తాను మలుచుకున్న తీరుకు ఫ్యాన్స్ మాత్రమే కాదు యావత్ ప్రేక్షకులు కూడా ఫిదా అయ్యారు. అల్లు అర్జున్ అంటే ఒక బ్రాండ్ అనిపించేలా మామయ్య , తండ్రి బ్రాండ్ ల నుండి బయటకు వచ్చి సొంతంగా ఎదిగాడు.
అల్లు అర్జున్ కు ఒక్క తెలుగులోనే కాదు మలయాళంలో కూడా విపరీతమైన ఫ్యాన్ ఫాలోయింగ్ ఉంది. ఇక ఇప్పుడు పుష్ప చిత్రంతో పాన్ ఇండియా స్టార్ గా ఎదిగాడు. స్టైల్ కు ఐకాన్ గా తయారయ్యాడు. ఈరోజు అల్లు అర్జున్ పుట్టినరోజు దాంతో ఆ సందర్భాన్ని పురస్కరించుకొని JSW & Jaiswaraajya.tv జన్మదిన శుభాకాంక్షలు అందజేస్తోంది.