నందమూరి తారకరత్న ఆరోగ్యం విషమంగా ఉన్నట్లు డాక్టర్లు తెలిపారు. తాజాగా హెల్త్ బులెటిన్ విడుదల చేసారు. మా హాస్పిటల్ కు రాకముందే తారకరత్న ఆరోగ్యం విషమంగా ఉన్నట్లు స్పష్టం చేసారు. ప్రత్యేక వైద్య నిపుణుల పర్యవేక్షణలో తారకరత్నకు వైద్యం అందిస్తున్నామని , అయితే గుండె నాళాల్లోకి రక్తప్రసరణ జరగడం లేదని , బెలూన్ యాంజియోప్లాస్టీ ద్వారా రక్తాన్ని పంపింగ్ చేసే ప్రయత్నం చేస్తున్నామని , ఎక్మో ద్వారా కృత్రిమ శ్వాస అందిస్తున్నామని తెలిపారు నారాయణ హృదయాల వైద్యులు.
నారా లోకేష్ పాదయాత్ర లో పాల్గొన్న నందమూరి తారకరత్న ఒక్కసారిగా కుప్పకూలిన విషయం తెలిసిందే. దాంతో హుటాహుటిన కుప్పం లోని ఆసుపత్రికి తరలించారు. గుండె నాళాలు 90 శాతం మూసుకుపోవడంతో బెంగుళూరు తరలించడం మరింత ప్రమాదకరమని భావించి కుప్పంలోనే చికిత్స అందించారు. అయితే ఆ తర్వాత రాత్రి కుప్పం నుండి బెంగుళూర్ కు తరలించి మెరుగైన వైద్యం అందిస్తున్నారు.