పవర్ స్టార్ పవన్ కళ్యాణ్ హీరోగా నటిస్తున్న తాజా చిత్రం ” ఉస్తాద్ భగత్ సింగ్ ”. హరీష్ శంకర్ దర్శకత్వంలో తెరకెక్కుతున్న ఈ చిత్రాన్ని మైత్రి మూవీ మేకర్స్ నిర్మిస్తున్నారు. కాగా ఈ సినిమా ఎనిమిది రోజుల పాటు ఫస్ట్ షెడ్యూల్ జరుపుకుంది. కాగా ఈ ఎనిమిది రోజుల్లో భారీ యాక్షన్ సీన్ తో పాటుగా కీలక సన్నివేశాలను చిత్రీకరించాడు దర్శకుడు హరీష్ శంకర్.
పవర్ స్టార్ పవన్ కళ్యాణ్ పై యాక్షన్ సీన్స్ చిత్రీకరించారట. ఆ సన్నివేశాలు అద్భుతంగా వచ్చాయని టాక్. అలాగే హీరోయిన్ శ్రీలీల – పవన్ కళ్యాణ్ లపై కూడా కొన్ని సన్నివేశాలు చిత్రీకరించాడట. శ్రీ లీల ఈ చిత్రంలో ఒక హీరోయిన్ గా నటిస్తున్న సంగతి తెలిసిందే. హరీష్ శంకర్ – పవన్ కళ్యాణ్ ల కాంబినేషన్ లో ఇంతకుముందు గబ్బర్ సింగ్ వంటి బ్లాక్ బస్టర్ వచ్చింది.
దాంతో ఈకాంబినేషన్ పై భారీ అంచనాలు నెలకొన్నాయి. ఆ అంచనాలకు తగ్గట్లుగా ఈ చిత్రాన్ని రూపొందిస్తున్నారు. మొదటి షెడ్యూల్ పూర్తి కావడంతో పవన్ కళ్యాణ్ మరో సినిమాలోకి ఎంటర్ అయ్యాడు. ఇక ఉస్తాద్ భగత్ సింగ్ రెండో షెడ్యూల్ కోసం సమాయత్తమౌతోంది. అయితే ఈ రెండో షెడ్యూల్ ఎప్పుడు మొదలౌతుందో చూడాలి.
