Basavatarakam Hospital : మాట్లాడే మాటలకన్నా.. చేసే సాయం మిన్నా అంటారు. అమెరికాలో లక్షలు సంపాదిస్తున్న ఎన్ఆర్ఐలు తమ తెలుగు నేలకు ఏదైనా చేయాలని తపిస్తుంటారు. అలా తపించేవారిలో ప్రవాస భారతీయుడు పొట్లూరి రవి కూడా ఒకరు. ఆయన తాజాగా హీరో బాలకృష్ణ చేస్తున్న సేవలను మెచ్చి తనవంతు సాయం అందించాడు.
బసవతారకం ఇండో అమెరికన్ క్యాన్సర్ ఆస్పత్రి ద్వారా బాలయ్య చేస్తున్న సేవలను గుర్తించిన పొట్లూరి రవి తనవంతుగా 30 వీల్ చైర్లను బాలకృష్ణ ఆధ్వర్యంలో ఆస్పత్రికి విరాళంగా అందించారు. అనంతరం 500 మంది రోగులకు బ్రెడ్ ప్యాకెట్లను పంపిణీ చేశారు. ముప్పా రాజశేఖర్, సందడి మధు, జంపాల అమిత్ తదితరులు ఈ కార్యక్రమంలో పాల్గొన్నారు.
