35lakh Marriages : కార్తీక మాసంలో పెళ్లిళ్ల సీజన్ ప్రారంభం కాబోతోంది. 23 రోజుల వ్యవధిలో 35 లక్షల పెళ్లిళ్లు జరగనున్నాయి. దీపావళి తరువాత కార్తీక మాసం, తులసి కల్యాణం తరువాత పెళ్లిళ్ల సీజన్ ఆరంభమవుతుంది. రాబోయే రోజుల్లో పెళ్లిళ్లకు సంబంధించిన పనులు జోరందుకోనున్నాయి. లక్షల కోట్ల వ్యాపారం కొనసాగనుంది. వ్యాపారులు కూడా దీని కోసం ప్రత్యేక సన్నాహాలు చేసుకుంటున్నారు.
దీపావళి ముగిసిన వెంటనే పెళ్లిళ్ల సీజన్ ప్రారంభం అవుతుంది. లక్షల కోట్ల వ్యాపారం జరుగుతుందని ట్రేడర్స్ అంచనా వేస్తున్నారు. నవంబర్ 23 నుంచి డిసెంబర్ 15 వరకు మొత్తం 23 రోజుల పాటు పెళ్లిళ్ల సీజన్ కొనసాగనుంది. ఈ రోజుల్లో 35 లక్షల వివాహాలు జరుగనున్నాయి. దాదాపు రూ.4.25 లక్షల కోట్ల వ్యాపారం జరిగే అవకాశాలు ఉన్నట్లు తెలుస్తోంది.
దేశంలోని 20 ప్రధాన నగరాల్లో వ్యాపారులు, వివాహ సేవల ప్రధాతలపై నిర్వహించిన సర్వేల పలు విషయాలు వెల్లడయ్యాయి. ఢిల్లీలోనే దాదాపు 3.5 లక్షల పెళ్లిళ్లు జరగనున్నాయి. ఒక ఢిల్లీలోనే లక్ష కోట్ల వ్యాపారం కొనసాగనుంది. గతేడాది 32 లక్షల పెళ్లిళ్లు జరిగాయి. మొత్తం వ్యాపారం రూ.3.75 లక్షల కోట్లకు చేరింది. దాదాపు 6 లక్షల పెళ్లిళ్లకు ఒక్కో పెళ్లికి రూ. 3 లక్షల చొప్పున ఖర్చవుతుంది.
12 లక్షల పెళ్లిళ్లకు ఒక్కో పెళ్లికి రూ. 10 లక్షలు మరో 6 లక్షల పెళ్లిళ్లకు ఒక్కో పెళ్లికి రూ.25 లక్షలు, 50 వేల పెళ్లిళ్లకు ఒక్కో పెళ్లికి రూ. 50 లక్షల చొప్పున మరో 50 వేల పెళ్లిళ్లకు ఒక్కో పెళ్లికి రూ.కోటి లేదా అంతకంటే ఎక్కువ ఖర్చవుతుందని అంచనా. దేశవ్యాప్తంగా పెళ్లిళ్ల వ్యాపారం మూడు పందిళ్లు, ఆరు తోరణాల మాదిరి వేడుకలు జరగనున్నాయి.
