CID Back Step :
ఇక నిజానికి లోకేశ్ అరెస్టు ప్రచారం నాటికి ఆయన పై ఒక్క కేసులో కూడా ఎఫ్ఐఆర్ కూడా లేదు. ఇక తన తండ్రి అరెస్ట్ తర్వాత ఢిల్లీలో న్యాయనిపుణులతో సంప్రదింపులు జరుపుతున్న లోకేశ్ పై సెటైర్లు మొదలు పెట్టింది వైసీపీ. సీఐడీకి భయపడే లోకేశ్ ఢిల్లీలో ఉంటున్నారంటూ ప్రచారం మొదలు పెట్టింది. ఇక ఇన్నర్ రింగ్ రోడ్డు కేసులో లోకేశ్ ను ఏ 14గా సీఐడీ గా చేర్చింది. ఇక స్కిల్, ఫైబర్ గ్రిడ్ కేసులో లోకేశ్ పేరు ప్రస్తావన లేదు. అయితే ఇప్పటికే లోకేశ్ పలు కేసుల్లో ముందస్తు బెయిల్ కోసం కోర్టుల్లో దరఖాస్తు చేసుకున్నారు.
అయితే ఇప్పటికిప్పడు లోకేశ్ పై ఎలాంటి ఆధారాలు సీఐడీ వద్ద లేవు. ఇదే నేపథ్యంలో సీఐడీ కొంత వెనక్కి తగ్గినట్లు కనిపిస్తు్న్నది. ఒకవేళ నారాలోకేశ్ న్యాయపరంగా పై చేయి సాధిస్తే మొదటికే ఇబ్బంది వస్తుందని సీఐడీ అధికారులు భావిస్తున్నట్లు సమాచారం. అయితే ఏపీ ప్రభుత్వ పెద్దల నుంచి మాత్రం లోకేశ్ వ్యవహారంలో దూకుడుగా వెళ్లాలని ఆదేశాలు వస్తున్నట్లు టీడీపీ శ్రేణులు అభిప్రాయపడుతున్నాయి. మరి ఈనెల 10న లోకేశ్ విచారణకు హాజరుకావాలని సీఐడీ ఆదేశించినా, వారి వద్ద ఉన్న ఆధారాలు ఏంటనేది మాత్రం బయటకు వెల్లడించడం లేదు. మరి ఈ కేసు కూడా డొల్లేనని, కేవలం కక్ష సాధింపు నేపథ్యంలో ఏపీ ప్రభుత్వం ఈ ఆరోపణలు చేయిస్తున్నదని ఏపీలో ప్రతిపక్ష పార్టీల నేతలు అభిప్రాయపడుతున్నారు.