Bathukamma Celebrations : తెలంగాణకు అతిపెద్ద పండుగ ‘బతుకమ్మ’. తెలంగాణ సంస్కృతిలో బతుకమ్మకు ముఖ్యమైన పాత్ర ఉంది. ఈ పండుగనే పూల జాతర, పూల పండుగ అని ఆడపడుచుల వేడుక అని కూడా అంటారు. దేశంలో అంతెందుకు ప్రపంచంలో కూడా బతుకమ్మ పండుగ నిర్వహించేది ఒక్క తెలంగాణ రాష్ట్రం మాత్రమే. అక్కడి నుంచే ఈ పూల జాతర వివిధ రాష్ట్రాలు.. దేశాలకు విస్తరించింది.
అమెరికాలోని ‘డాలస్ తెలంగాణ ప్రజా సమితి (Telangana Peoples Association Of Dallas-TPAD)’ ఆధ్వర్యంలో బతుకమ్మ దసరా సంబురాలు నిర్వహించనున్నారు. పెద్ద ఎత్తున వీటిని కండక్ట్ చేయాలని నిర్వాహకులు ఇప్పటి నుంచే ఏర్పాట్లలో బిజీగా మారారు. అక్టోబర్ 21 (శనివారం)న కొమెరికా సెంటర్ (డా. పెప్పర్ ఎరీనా) 2601 అవెన్యూ ఆఫ్ ద స్టార్స్, ఫ్రిస్కో, టెక్సాస్-75034లో వేడుకలు జరుగనున్నాయి. ఉదయం 10 గంటల నుంచి రాత్రి వరకు నిర్వహించేందుకు సన్నాహాలు చేస్తున్నారు.
ఈ కార్యక్రమానికి సీని తార సంయుక్త మీనన్ హాజరవుతున్నట్లు నిర్వాహకులు చెప్పారు. ఈమెతో పాటు సింగర్లు ఆదిత్య, వాగ్దేవి, పృథ్వీ, సమీరా భరద్వాజ్ కూడా హాజరవుతున్నట్లు నిర్వాహకులు పేర్కొన్నారు. ఈ కార్యక్రమంను విజయవంతం చేయాలని నిర్వాహకులు డాలస్ తెలంగాణ సమాజాన్ని కోరుతున్నారు. మరిన్ని వివరాలకు కరపత్రాన్ని చూడండి.
