Chiranjeevi : సీనియర్ నటుడు యువరత్న బాలకృష్ణతో ‘భగవంత్ కేసరి’ తీసి హిట్ కొట్టిన దర్శకుడు అనిల్ రావిపూడి మెగాస్టార్ చిరంజీవితో మరో సినిమా తీయబోతున్నాడన్న వార్తలు ఫిలింనగర్ లో చక్కర్లు కొడుతున్నాయి. నిర్మాత దిల్ రాజు చిరంజీవితో ఒక ప్రాజెక్ట్ చేయడానికి ప్రయత్నిస్తున్నారని, ఈ ప్రాజెక్ట్ ఇప్పుడు చర్చల దశలో ఉందని, అనిల్ రంగంలోకి దిగుతున్నాడని తెలుస్తోంది.
కథకు సంబంధించిన చర్చలు జరుగుతున్నాయని, కథ లాక్ అయిన తర్వాత చిత్రీకరణ ప్రారంభించాలనే దానిపై తుది నిర్ణయం తీసుకుంటామని తెలిపారు. ఆ తర్వాత అధికారిక ప్రకటన వెలువడే అవకాశం ఉంది. ఇదిలా ఉంటే చిరు బ్లాక్ బస్టర్ మూవీ ‘చంటబ్బాయి’ తరహాలో ఈ సినిమా ఉంటుందని అభిమానులు ఆశిస్తున్నారు.
వినోదాత్మకంగా, కమర్షియల్ గా విజయవంతమైన చిత్రాలు చేయడంలో దిట్టగా అనిల్ రావిపూడి గుర్తింపు సంపాదించుకున్నాడు. ఇక ‘వకీల్ సాబ్’, రాం చరణ్ తో ‘గేమ్ ఛేంజర్’కు నిర్మాతగా వ్యవహరించిన దిల్ రాజు చిరంజీవితో కలిసి పనిచేయడం గొప్ప అచీవ్ మెంట్ గా భావిస్తున్నారు.
విజయ్ తో ఒక భారీ ప్రాజెక్ట్ తో తమిళ చిత్ర పరిశ్రమలోకి అడుగు పెట్టిన దిల్ రాజు భవిష్యత్తులో రజినీకాంత్ తో సినిమా చేసే ఆలోచనలో కూడా ఉన్నాడట. అనిల్ రావిపూడితో చిరంజీవి చేయబోయే సినిమా రిజల్ట్ కోసం అభిమానులు, ఇండస్ట్రీ వర్గాలు ఆసక్తిగా ఎదురుచూస్తున్నాయి.