WhatsApp messages భార్యా, భర్తల జోక్స్ కు నవ్వులు ఎక్కువగా పూస్తాయికదా ఆ విషయం అందరికీ తెలిసిందే. కొన్ని జోక్స్ క్రియేట్ చేస్తారు. అది జరగకున్నా అలా క్రియేట్ అయిపోతుంది. ఇక కొన్ని జోక్స్ సందర్భోచితంగా వస్తాయి. వీటిని ఊహించకుంటేనే నవ్వు ఆగదు. ఎన్ని రోజులైనా ఇంకా ఫ్రెష్ గా ఉన్నట్లు అనిపిస్తుంది ఆ జోక్స్ వింటుంటే.
ఒక ఇల్లాలు తన పుట్టింటికి వెళ్తూ భర్తకి కొన్ని సూచనలు చేసింది. అవి వాట్సప్ రూపంలో ఆయనకు పంపించింది. ఇది ఆ సెల్ ఈ సెల్ మారి చివరికి సోషల్ మీడియాకు ఎక్కాయి. దీంతో ఈ ఇన్ స్ట్రక్చన్స్ చదివిన వారంతా నవ్వు ఆపుకోలేకుండా ఉన్నారట. ఇంతకీ ఆమె ఏం చెప్పిందంటే.
* పక్కింటి వాళ్లను, ఎదురింటి వాళ్లను పాలు వచ్చాయా, పేపర్ వచ్చిందా అని లేపి చిరాకు పెట్టకండి. అక్కడున్న మిమ్మల్ని తిట్టడంతో పాటు, ఊరెళ్లి మా నిద్ర చెడ కొట్టిందని నన్ను కూడా తిట్టుకుంటారు.
* ఇంట్లో పార్టీలు గట్రా చేసుకోకండి. ఇల్లు క్లీన్ చేసుకునేందుకు నాకు రెండు రోజులు పడుతుంది.
* కళ్లజోడు బాత్రూంలో పెట్టి మర్చిపోకండి.
* అద్దం ముందు గంటలు తరబడి నిలబడి రెడీ అవ్వకండి. మీరు మరింత తొందరగా పని చేసుకోవాలని టైం కొంచెం ఫాస్ట్ పెట్టాను. ఎంత పెట్టావు అని అడగకండి.. సరి చేయకండి అదే టైం ఫాలో అవ్వండి.
* నేను వచ్చే వరకు పని మనిషి రాదు. ఆమె స్థానంనలో వాళ్ల అమ్మ పనిలోకి వస్తుంది.
* నెట్ రావడం లేదు అని కంప్లయింట్ ఇచ్చేందుకు ఫోన్ చేసేరు కాబోలు. మీరు ఆ ఫోన్ పట్టుకుంటే అర్ధరాత్రి అయినా కలదలరని నెట్ కట్ చేయించాను. మళ్లీ నేను వచ్చిన తర్వాతనే పెట్టిస్తాను.
* నేను మళ్లీ తిరిగి వస్తానన్న విషయం అస్సలు మరిచిపోవద్దు.
* స్టవ్ వెలగడం లేదు.. ఇదెక్కడా అదెక్కడా అని తరుచూ నాకు ఫోన్ చేయకండి. నేను పుట్టింటికి వచ్చి లాభం లేకుండా పోతుంది. స్టవ్ వెలిగించే ముందు ఆన్ చేయడం మరిచిపోవద్దు.