Maganti Babu : తను పార్టీ మారుతున్నట్లు వస్తున్న వార్తలపై ఏలూరు టిడిపి సీనియర్ నేత మాగంటి బాబు స్పందించారు. గత 24 గంటల నుంచి సోషల్ మీడియాలో వస్తున్న వార్తలన్నీ అవాస్తవమని ఆయన కొట్టి పారేశారు.
నేను పార్టీ మారుతానని వార్తలను ఎవరు నమ్మొ ద్దని మాగంటి బాబు స్పష్టం చేశారు. వ్యక్తిగత పనులపై హైదరాబాదులో ఉండటం వల్ల నేను క్యాంపు కార్యాలయంలో అందుబాటులో లేనని ఆయన తెలిపారు. టిడిపిని విడిచి పెట్టే ఆలోచన తనకు లేదని మాగంటి బాబు కార్యకర్తలతో తెలిపారు.
గత రెండు రోజులు నుంచి మాగంటి బాబు పార్టీ మారుతున్నారని తెగ ప్రచారం జరిగింది. అయితే ఈ ప్రచారాన్ని మాగంటి బాబు తిప్పి కొట్టారు.. తా ను ఎక్కడికి వెళ్లడం లేదని తెలుగుదేశం పార్టీలోనే కొనసాగుతానని తెలియజేశారు.