LB Nagar Incident :వివరాల్లోకి వెళితే ఆదివారం మధ్యాహ్నం ఎల్బీనగర్ లోని ఆర్టీసీ కాలనీలోని సంఘవి ఇంట్లోకి ప్రేమోన్మాది శివకుమార్ కత్తితో ప్రవేశించాడు. సంఘవి సోదరుడిని కత్తితో పొడిచాడు. దీంతో అతడు బయటకు వచ్చాడు. లోపల ఉన్న యువతి భయంతో కేకలు వేసింది. దీన్ని గమనించిన పొరుగింట్లో ఉన్న మహిళ ఝాన్సీ కర్ర పట్టుకుని వచ్చింది. జరిగిన విషయం తెలుసుకుంది. లోపల ఉన్న యువతిని కాపాడాలని అప్రమత్తమైంది.
ఇంటి నుంచి బయటకు వచ్చిన ఆమె సోదరుడి ద్వారా విషయం తెలుసుకుని ఆమెను కాపాడాలని నిర్ణయించుకుంది. కర్రతో తలుపులు బాదుతూ ఆమెను ఏమైనా చేశావంటే నీ ప్రాణాలు తీస్తానని బెదిరించింది. దీంతో ప్రేమోన్మాది భయపడ్డాడు. ప్రేమోన్మాదికి భయపడిన సంఘవి ఓ గదిలో దాక్కుంది. దీంతో కాలనీలోని యువతను పిలిచింది. పోలీసులకు కూడా సమాచారం అందించింది.
అందరు రావడంతో ప్రేమోన్మాదిని అదుపులోకి తీసుకుని పోలీసులకు అప్పగించారు. ఝాన్సీ తెగువకు కాలనీవాసులు ఆశ్చర్యపోయారు. ఆమెలో ఉన్న ధైర్యం ప్రతి ఒక్క మహిళలో ఉండాలని సూచించారు. చంపుతానని వచ్చిన వాడిని బెదిరించి లొంగిపోయేలా చేసిన ఝాన్సీని మరో ఝాన్సీ లక్ష్మీబాయిగా అభివర్ణించారు. ఆమె వల్లే సంఘవి ప్రాణాలకు రక్షణ కలిగింది.
 |
ReplyForward
|
