PM Narendra Modi :
ప్రధాని మోదీకి దేశ వ్యాప్తంగా ఉన్న ఆదరణ మాములుగా ఉండదు. దేశవిదేశాల్లో ఆయన పేరు మార్మోగి పోతూ ఉంటుంది. అవిశ్రాంతంగా దేశ అభ్యున్నతికి శ్రమిస్తున్నారని బీజేపీతో మిత్ర పక్షాలు ఆయనపై పొగడ్తల వర్షం కురిపిస్తుంటాయి. ఆయన ఏది చేసినా దేశ ప్రయోజనాల కోసమేననే అభిప్రాయాన్ని ఆ వర్గాలు తెరపైకి తెస్తుంటాయి.
అయితే 2014లో మొదటి సారి ఆయన ప్రధానిగా ఎన్నికయ్యారు. ఇక తరువాత వరుసగా రెండోసారి 2019లో కూడా ఆయనే ప్రధాని అయ్యారు. ఈ రెండు పర్యాయాల్లో ఇప్పటివరకు ఆయన ఒక్క రోజు కూడా సెలవు తీసుకోలేదని ప్రధాన మంత్రి కార్యాలయం తాజాగా తెలిపింది. అదేంటి ప్రధాని ఒక్కరోజు కూడా సెలవు తీసుకోలేదా.. అంటే .. అవును వారు ఇచ్చిన అధికారిక సమాధానం ఇదే.
ప్రపుల్ పీ శార్ద అనే వ్యక్తి సమాచార హక్కు చట్టం ద్వారా ఈ ప్రశ్నను అడిగారు. ప్రధాని ఎన్ని సెలవులు తీసుకున్నారో తెలుపాలని కోరాడు. ఈ మేరకు ఈ ప్రశ్నకు ప్రధానమంత్రి కార్యాలయం లిఖిత పూర్వక సమాధానం ఇచ్చింది. ఈ తొమ్మిదేళ్లలో ప్రధాని ఒక్క సెలవు కూడా తీసుకోలేదని తెలిపింది. ఇప్పుడు ఈ ప్రతినే అసోం ముఖ్యమంత్రి హిమంత బిశ్వ శర్మ సోషల్ మీడియాలో షేర్ చేశారు. ఇదే ఇప్పుడు పూర్తిగా వైరల్ అవుతున్నది. బీజేపీ శ్రేణులు పోటీపడి మరి ఈ కాపీని వైరల్ చేస్తున్నారు. గ్రేట్ మోదీ జీ అంటూ పోస్టులు పెడుతున్నారు. మరెవరికీ సాధ్యం కాని విధంగా మోదీ పని చేస్తున్నారంటూ మరికొందరు ఆనందంతో ఊగిపోతున్నారు.