Number 7 Jersey : టీమిండియా మాజీ కెప్టెన్ మహేంద్ర సింగ్ ధోనీ క్రేజ్ ఇప్పటికీ తగ్గలేదు. మూడు ఫార్మాట్లలో ఆయన రిటైర్ మెంట్ అయిన కూడా బీసీసీఐగానీ, జనాలు గానీ ఆయన సేవలను మరిచిపోలేరు. ఇప్పటికీ మ్యాచ్ లు వీక్షిస్తున్న అభిమానులు ‘‘ధోనీ ఉంటే ఇలా చేసేవాడు.. ధోనీ ఉంటే అలా చేసేవాడు.. అరే ఈ టైమ్ లో ధోనీ ఉంటే గెలిపించేవాడు..’’ అని అనుకుంటూనే ఉంటారు. ధోనీ అంటే అభిమానులకు అంత నమ్మకం. కూలింగ్ కెప్టెన్సీ స్కిల్స్ తో ఆయన ఆట మజాను అనుభవించని క్రికెట్ అభిమాని ఉండరు. అందుకే ఆయనంటే అంతా క్రేజ్. ధోనీ రిటైర్ మెంట్ తీసుకున్నా ఐపీఎల్ లో మాత్రం అలరిస్తూనే ఉన్నాడు. రీసెంట్ గా ధోనీ సేవలపై బీసీసీఐ మరో కీలక నిర్ణయం తీసుకుంది.
భారత క్రికెట్ దిగ్గజం సచిన్ టెండూల్కర్ నంబర్ 10 జెర్సీకి ఎంతో ప్రాముఖ్యం ఉందనేది తెలిసిందే. జెర్సీ 10 అంటేనే సచిన్ గుర్తుకొస్తారు. అంతలా అది అందరికీ గుర్తుండిపోయింది. అలాగే జెర్సీ నంబర్ 7 అన్నా ధోనీ గుర్తుకొస్తారు. సచిన్ రిటైర్ తర్వాత ఆ నంబర్ 10 జెర్సీకి కూడా బీసీసీఐ రిటైర్ మెంట్ ప్రకటించింది. క్రికెట్ కే సచిన్ చేసిన సేవలపై, అతడికిచ్చే గౌరవంగా ఆయన ధరించిన జెర్సీనంబర్ 10ను మిగతా ఏ ఆటగాడికి కేటాయించబోమని నిర్ణయం తీసుకుంది. అంటే శాశ్వతంగా ఆ నంబర్ సచిన్ కే ఉంటుంది. అలాగే ధోనీ జెర్సీ నంబర్ 7కు కూడా తాజాగా బీసీసీఐ రిటైర్ మెంట్ ప్రకటించింది. ధోనీ భారత జట్టుకు అందించిన సేవలకు గౌరవంగా ఇలా చేసినట్టు బీసీసీఐ పేర్కొంది. సచిన్ టెండూల్కర్ తర్వాత అరుదైన గౌరవం పొందిన ఘనత ధోనీకి దక్కడం విశేషం. ఇకనుంచి జెర్సీ నంబర్ 7ను ఏ ఆటగాడు ఉపయోగించడానికి వీలుండదు.
ధోనీ ఆటగాడిగా, కెప్టెన్ గా భారత జట్టుకు ఎనలేని సేవలు అందించాడు. అందులో ముఖ్యమైనవి కొన్ని..
2007లో టీ-20 ప్రపంచ కప్
2011 లో వన్డే ప్రపంచ కప్
2013 లో చాంపియన్స్ ట్రోఫీ
అలాగే 350వన్డే మ్యాచ్ లు ఆడి 10సెంచరీలు, 73 అర్ధ సెంచరీలు చేశాడు. 97 టెస్ట్ మ్యాచ్ లు ఆడి 6 సెంచరీలు, 33 అర్ధ సెంచరీలు నమోదు చేశాడు.