Hero’s wife College Bunk For Nagarjuna : ఇండస్ట్రీలో మన్మథుడు పేరును ఇప్పటి వరకు ఇంకొక హీరో దక్కించులేకపోతున్నారంటే నాగార్జున అందం, నటన ఎంతటిదో ఇట్టే తెలుస్తుంది. ప్రస్తుతం ఇండస్ట్రీలో ఫిమేల్ ఫాలోయింగ్ ఉన్న నటుల్లో నాగార్జున ముందు వరుసలో ఉంటాడు. అప్పట్లో ఆయన తండ్రి అక్కినేని నాగేశ్వర్ రావు కు కూడా ఫిమేల్ ఫాలోయింగ్ ఎక్కువే. సాక్షాత్తు మహానటి సావిత్రి ఏఎన్నార్. ఫ్యాన్స్ విషయంలో ఎన్టీఆర్ కంటే ఎక్కువ మంది ఫిమేల్ ఫ్యాన్స్ నాగేశ్వర్ రావుకే ఉన్నారు.
ఆయన వారసుడిగా ఇండస్ట్రీలోకి వచ్చిన నాగార్జున తండ్రి లాగానే ఫిమేల్ ఫ్యాన్ ఫాలోయింగ్ పెంచుకుంటూ ఉన్నారు. నాగార్జున స్టయిల్ అంటే మహిళా అభిమానులు.. కాలేజ్ అమ్మాయిలు పడి చచ్చేవారనడంలో ఎలాంటి సందేహం లేదు. నాగార్జున సినిమా రిలీజ్ అయ్యిందంటే చాలు యూత్ అమ్మాయిలు థియేటర్ల వద్ద క్యూ కట్టేవారు. కాలేజీలు ఎగ్గొట్టి మరీ సినిమాలకు వెళ్లేవారు. ఇందులో చాలా మంది సెలబ్రెటీల వైఫ్ లు, కూతుళ్లు కూడా లేకపోలేదు.
టాలీవుడ్ హీరో నందమూరి కళ్యాణ్ రామ్ భార్య స్వాతికి కూడా యువ సామ్రాట్ నాగార్జున అంటే విపరీతమైన అభిమానమట. కాలేజీ చదువుతున్న రోజుల్లో క్లాసులు బంక్ కొట్టి మరీ చూసేదట. కాలేజీ రోజుల్లో మన్మథుడు సినిమా రిలీజ్ కావడంతో ఇంట్లో కాలేజ్ కు వెళ్తానని చెప్పి వెళ్లి.. బంక్ కొట్టి ఫస్ట్ డే.. ఫస్ట్ షో చూసిందట. ఈ విషయాన్ని కల్యాణ్ రామ్ నాగార్జునతో చెప్పాడట.
మరి అంతటి అభిమానిని అభినందించకుండా ఉండగలడా నాగ్.. ఆమెకు థ్యాంక్స్ చెప్పండి అంటూ నాగ్ చెప్పాడు. ఈ సంభాషనలన్నీ నాగార్జున హోస్ట్ గా వ్యవహరించిన ‘మీలో ఎవరు కోటీశ్వరుడు’లో జరిగాయి. ప్రస్తుతం నాగార్జున ‘న సామి రంగ’ సినిమా చేస్తున్నాడు. సంక్రాంతి-2024 వరకు రిలీజ్ కు సిద్ధం చేస్తున్నారు. ఇక కళ్యాణ్ రామ్ ‘డెవిల్’ వచ్చేనెల (నవంబర్) 24వ తేదీ రిలీజ్ అవుతుంది.
