Cough Medicines : విదేశాలకు ఎగుమతి చేసే దగ్గు మందులపై కేంద్రం కీలక నిర్ణయం తీసుకుంది. పలు సంస్థలు తయారు చేస్తున్న మందుల కారణంగా విదేశాల్లో మరణాలు చోటు చేసుకోవడంతో, కేంద్రం ఈ నిర్ణయం తీసుకుంది. అయితే ప్రపంచ ఆరోగ్య సంస్థ హెచ్చరికల నేపథ్యంలో కేంద్రం ఈ నిర్ణయం తీసుకున్నట్లు తెలుస్తున్నది..
దగ్గు మందు ఎగుమతులపై కేంద్రం కొత్త నిబంధనలు తెచ్చింది. ఇకపై ప్రభుత్వ ల్యాబ్ ల నుంచి అనుమతులు తప్పనిసరి చేసిందిజ వచ్చే నెల 1 నుంచి ఈ నిబంధనలు అమల్లో కి వస్తాయని ప్రకటించింది. ప్రభుత్వ ల్యాబ్ ల నుంచి ఎగుమతిదారులు ఇకపై ధ్రువీకరణ పత్రం తీసుకోవాల్సి ఉంటుంది. ఆ పత్రం అందజేస్తేనే ఇకపై ఎగుమతులకు అనుమతి లభిస్తుంది. ఈ మేరకు డైరెక్టరేట్ జనరల్ ఆఫ్ ఫారిన్ ట్రేడ్ అధికారికంగా వెల్లడించింది. గుర్తింపు పొందిన ల్యాబ్ ల్లో ఈ తనిఖీలు చేయించుకోవాల్సి ఉంటుంది.
భారత్ నుంచి ఎగుమతి అవుతున్న దగ్గు మందులు (cough medicines) వాడి 2022లో గాంబియా, ఉజ్బెకిస్తాన్, ఇండోనేషియా తదితర దేశాల్లో పలువురు చిన్నారులు మ`తి చెందారు. దీనిపై డబ్ల్యూహెచ్వో సీరియస్ అయ్యింది. ఈ నేపథ్యంలో నే కేంద్రం అప్రమత్తమైంది. ఇక దగ్గమందుల నాణ్యతపై రాజీ ఉండదని ప్రకటించింది. ఇకపై నాణ్యతా ప్రమాణాల తనిఖీ తప్పనిసరిగా చేయించుకోవాలని ఆదేశాలు జారీ చేసింది. విదేశాలకు మన దేశం నుంచి పెద్ద ఎత్తున దగ్గు మందులు ఎగుమరి అవుతుంటాయి.
అయితే వీటి నాణ్యతపై ప్రపంచ ఆరోగ్య సంస్థ అనుమానం వ్యక్తం చేసింది. సత్వర చర్యలకు ఆదేశించింది. దీంతో కేంద్ర ప్రభుత్వం కూడా చర్యలకు ఉపక్రమించింది. రానున్న రోజుల్లో కట్టుదిట్టమైన తనిఖీల అనంతరమే దగ్గు మందులు విదేశాలకు ఎగుమతి చేసేలా చర్యలు చేపట్టింది.
