Karnataka CM 2023 : కర్ణాటకలో కాంగ్రెస్ స్పష్టమైన మెజార్టీ దిశగా దూసుకెళ్తుండడంతో ఇప్పుడు అందరి చర్చ సీఎం అభ్యర్థి ఎవరు అంటూ కొనసాగుతోంది. అయితే ప్రధానంగా డీకే శివకుమార్, లేదా సిద్ధ రామయ్య పేర్లు ప్రచారంలో ఉన్నాయి. ఇందులో పీసీసీ చీఫ్ గా డీకే శివకుమార్, మరో వ్యక్తి సిద్ధ రామయ్య ఈ ఇద్దరి మధ్యే ప్రధానంగా పోటీ నెలకొంది. ఇందులో ఒకరు పార్టీని ముందుండి నడిపంచిన వ్యక్తి కాగా మరొకరు ఛరిష్మా ఉన్న నాయకుడు.
అయితే కేపీసీసీ చీఫ్ డీకే శివకుమార్ తాను పార్టీని ముందుండి నడిపిస్తానని ముఖ్యమంత్రి పీఠంపై చూర్చోవాలని కలగంటున్నానని చాలా సార్లు చెప్పుకచ్చారు. దీనికి తోడు ఆయన పార్టీని నడింపించడంలో సక్సెస్ అయ్యరు. దీనికి తోడు ఆయన యువకుడు. ఈ నేపథ్యంలో ఆయనకే ఎక్కువ మొగ్గు చూపే అవకాశం ఉంది.
ఇక సిద్ధ రామయ్య గురించి తెలుసుకుంటే ఆయన మంచి ఛరిష్మా ఉన్న నేత. గతంలో ముఖ్యమంత్రిగా పనిచేసిన అనుభవం ఉంది. దీనికి తోడు ప్రతీ శాఖపై మంచి పట్టుఉండడంతో ఆయనను సీఎంగా ప్రకటించాలని ఇప్పటికే తన ఇంటి నుంచి సిద్ధ రామయ్య కొడుకు పార్టీ అధిష్ఠానాన్ని వేడుకున్నారు. ఆయన గతంలో బీజేపీ ప్రభుత్వంపై విరుచుకుపడ్డారని ఆయన చేసిన ప్రజా ఉద్యమాల వల్లే ఈ రిజల్ట్ వచ్చిందని చెప్పుకచ్చారు యతీంద్ర సిద్ధరామయ్య.
లక్కీ ఛాన్స్ కొట్టేయనున్న నేత ఎవరు..?
కర్ణాటకలో ప్రతీ ఐదేళ్లకు ఒకసారి ప్రభుత్వం మారడం కామన్. ఈ దఫా కూడా అలాగే జరిగింది. గతంలో బీజేపీ ఉంటే ఇప్పుడు కాంగ్రెస్, అంతకు ముందు కాంగ్రెస్ ఉంటే ఆ తర్వాత బీజేపీ ఇలా. ఇది చూస్తే ఈ సారి తప్పకుండా కాంగ్రెస్ వస్తుందని ముందే నాయకులకు తెలుసు. పెద్దగా కష్టపడకున్నా ఫలితం మాత్రం దక్కేది. ఈ సారి సిద్ధ రామయ్య కంటే కూడా డీకే శివ కుమార్ సీఎం అయ్యే ఛాన్స్ ఎక్కువగా కనిపిస్తుంది. సునాయాసంగా భారీ మెజార్టీతో గెలిచిన కాంగ్రెస్ హయాంలో ముఖ్యమంత్రి లక్కీ ఛాన్స్ కొట్టేసినట్లే..!
