Viral News : మూన్ నార్త్ కు ఇప్పటి వరకు వచ్చారు.. వెళ్లారు.. కానీ సౌత్ కు వెళ్లడమే కిక్కు. దాన్ని ఇప్పుడు భారత్ విజయవంతం చేసింది. చంద్రుడిపై అదీ దక్షిణ ద్రువంపై పరిశోధనలు చేయాలనుకునే దేశాల జాబితాతో ఇండియా ఫస్ట్ ప్లేస్ ను దక్కించుకుంది. ఇప్పటి వరకు అమెరికా, చైనా, రష్యా చంద్రుడిపైకి వెళ్లాయి. కానీ ఉత్తర ధ్రువం వరకే వెళ్లి వచ్చాయి. దక్షిణ ధ్రువం వైపునకు వెళ్లేందుకు సాహసించలేదు. ఇండియా సాహసం చేసింది విజయాన్ని సొంతం చేసుకుంది.
చంద్రయాన్ 2 విఫలమైన తర్వాత చంద్రయాన్ 3 ని మరింత పకడ్బందీగా రూపొందించారు ఇస్రో శాస్త్రవేత్తలు. జూలై 14న ఎల్‌వీఎం-3 రాకెట్ సాయంతో చంద్రుడి దిశగా చంద్రయాన్ తన ప్రయాణాన్ని ప్రారంభించింది. 41 రోజుల పాటు తన జర్నీని కొసాగించింది. 23వ తేదీ సాయంత్రం 5.44 గంటల సమయంలో చంద్రుడి దక్షిణ ధ్రువంపై నెమ్మదిగా ఎటువంటి ఒడిదుడుకులకు లోను కాకుండా దిగింది. దీంతో దేశ వ్యాప్తంగా సంబురాలు మిన్నంటాయి.
ఇక చంద్రయాన్ 3 సక్సెస్ తర్వాత సోషల్ మీడియా పూర్తిగా రద్దీగా మారింది. పాజిటివ్ మీమ్స్, ప్రముఖుల శుభాకాంక్షలు, విదేశాల నుంచి పొగడ్తలతో నిండిపోయింది. ఇందులో కొన్ని పోస్ట్ లు హ్యూమరస్ గానూ మరికొన్ని దేశభక్తిగానూ ఉన్నాయి. దాయాది దేశం పాక్తిస్తాన్ కూడా చంద్రయాన్ 3 సక్సెస్ తో తమ సొంత దేశంపై వెటకారంగా మాట్లాడారు. ‘చంద్రుడిపై మీ ఎగరేస్తే.. చంద్రుడే మా జెండా’పై ఉన్నాడు అన్నారు. వాస్తవానికి పాకిస్తాన్ జాతీయ జెండాలో చందమామ ఉంటుంది అది అర్థ వృత్తాకారం.
అన్నింట్లో భారత్ తో ఢీ అంటే ఢీ అనే దాయాది దేశం పరిశోధనలు కూడా చేసింది. కానీ అవేవీ సక్సెస్ కాలేదు. ఇక దాని ఆర్థిక వ్యవస్థ కూడా నానాటికీ క్షిణించడంతో అంతరిక్ష ప్రయోగాలకు ఫుల్ స్టాప్ పెట్టింది. దేశాన్ని డెవలప్ చేయడం మాని ఉగ్రవాదాన్ని పెంచి పోషించింది. దేశ అవసరాలకు చైనాపై ఆధారపడి దేశాన్ని తాకట్టు పెట్టే దశకు చేరుకుంది. ఇక ఇప్పటి వరకు చంద్రుడిపై విస్తృతంగా ప్రయోగాలు చేయడంలో ఇస్రో ప్రతీ సారి ముందే ఉంది. గతంలో చేసిన ప్రయోగాలతో చంద్రుడిపై నీటి జాడను ప్రపంచానికి తెలిపింది ఇండియానే.
ఇప్పుడు చంద్రయాన్-3 ప్రయోగించి సేఫ్ ల్యాండింగ్ తో పాటు ఎటువంటి ఇబ్బంది లేకుండా ‘ప్రగ్యాన్’ రోవర్ కూడా బయటకు వచ్చింది. ‘జెండా మీద చంద్రుడు ఉండడం, చంద్రుడి మీద జెండా పాడడం బోత్ ఆర్ నాట్ సేమ్’ అనే మీమ్ సోషల్ మీడియాలో వైరల్ అవుతుంది. ‘అఖండ’లో బాలకృష్ణ చెప్పిన డైలాగ్ ను దీనికి జోడించి పాకిస్తాన్ అంతరిక్ష సంస్థను భారత నెటిజన్లు ట్రోల్ చేస్తున్నారు.
