Bhagwant Kesari Collections : నటసింహం నందమూరి బాలకృష్ణ వరుస బ్లాక్ బస్టర్స్ తో తన మార్కెట్ కూడా విస్తరించు కుంటున్నాడు. ఇంతకు ముందు ఈయన సినిమా 50 కోట్లు వసూళ్లు రాబట్టాలంటే గగనమే అని చెప్పాలి.. అలా రాబడితే అది బ్లాక్ బస్టర్ అనేవారు. కానీ ఇప్పుడు పరిస్థితులు పూర్తిగా మారిపోయాయి..
బాలయ్య సినిమా కూడా ఈజీగా 50 కోట్లు దాటేసి 100 కోట్లు కూడా రాబట్టే రేంజ్ లో ఎదిగింది. ఇక తాజాగా బాలయ్య మరో సినిమాతో ప్రేక్షకుల ముందుకు వచ్చాడు.. బాలకృష్ణ వరుస బ్లాక్ బస్టర్స్ తర్వాత చేసిన సినిమా ‘భగవంత్ కేసరి’.. ముందు నుండి ఈ సినిమా నుండి వచ్చిన ప్రమోషనల్ కంటెంట్ కు మాసివ్ రెస్పాన్స్ రాగా అంచనాలు భారీగా పెరిగాయి.
సక్సెస్ ఫుల్ డైరెక్టర్ అనిల్ రావిపూడి దర్శకత్వంలో బాలకృష్ణ చేసిన ఈ సినిమాను దసరా కానుకగా నిన్న అక్టోబర్ 19న గ్రాండ్ గా వరల్డ్ వైడ్ గా రిలీజ్ చేసారు. మొదటి షో నుండే పాజిటివ్ బజ్ రావడంతో ఈసారి కూడా బాలయ్యకు మంచి హిట్ దక్కింది అనే చెప్పాలి.. ఇక ఈ సినిమా ఇప్పటి వరకు వరల్డ్ వైడ్ గా ఎంత కలెక్షన్స్ రాబట్టింది అనే వివరాల్లోకి వెళ్తే..
మొదటి రోజే 32 కోట్లకు పైగానే కలెక్షన్స్ రాబట్టి ఓపెనింగ్స్ కుమ్మేసింది.. ఇక రెండు రోజుల్లోనే 50 కోట్ల క్లబ్ లో చేరిపోయిన ఈ సినిమా మూడు రోజుల కలెక్షన్స్ వివరాలను మేకర్స్ అఫిషియల్ గా పోస్టర్ ద్వారా ప్రకటించారు.. మొత్తంగా ఈ సినిమా ప్రపంచ వ్యాప్తంగా మూడు రోజుల్లో 71.02 కోట్లను క్రాస్ చేసినట్టు సరికొత్త పోస్టర్ తో తెలిపారు. కాగా షైన్ స్క్రీన్ సంస్థ నిర్మించిన ఈ సినిమాలో శ్రీలీల బాలయ్య కూతురు పాత్ర పోషించగా కాజల్ హీరోయిన్ గా నటించింది.
