Jacqueline Fernandez US Tour : బాలీవుడ్ హాట్ బ్యూటీలలో జాక్వెలిన్ ఫెర్నాండేజ్ ఒకరు. ఈమె ఈ మధ్య కాలంలో సౌత్ ఆడియెన్స్ కు బాగా చేరువ అయ్యింది. బాలీవుడ్ లో వరుస ఆఫర్స్ అందుకుంటూనే సౌత్ లో కూడా అడుగు పెట్టింది. ఇక్కడ ఎక్కువ అవకాశాలు లేకపోయినా అడపాదడపా అవకాశాలు అందుకుంటూ దూసుకు పోతుంది.
ఇదిలా ఉండగా ఈమె తాజాగా యుఎస్ టూర్ లో సందడి చేయనుంది.. అయితే ఇది ఈమె వెకేషన్ కోసం వెళ్లడం లేదు.. జాక్వెలిన్ ఫెర్నాండేజ్ హీరోయిన్ గా అందాలు ఆరబోయడమే కాదు సమాజ సేవ చేయడంలో కూడా ముందు వరుసలో ఉంటుంది.. ఈమె తాజాగా మరోసారి తన వంతుగా ప్రజలకు మంచి చేయాలని అనుకుంటుంది..
జాక్వెలిన్ ఫెర్నాండేజ్ యు ఓన్లీ లైవ్ వన్స్ (YOLO) ఫౌండేషన్ ప్రారంభించిన విషయం తెలిసిందే.. ఈమె కరోనా సమయంలోనే ఈ ఫౌండేషన్ ను స్టార్ట్ చేసి అనేక NGO లతో కలిసి పని చేస్తుంది.. ఇక తాజాగా ఈమె యుఎస్ టూర్ వెళ్లనుంది. అది కూడా ఈమె చారిటీ కోసం.. ఈ టూర్ లో ఐదు ప్రాంతాల్లో ఈమె లైవ్ పెర్ఫార్మెన్స్ చేయనుంది..
ఈ ప్రోగ్రామ్స్ ద్వారా వచ్చిన మనీ మొత్తాన్ని తన ఫౌండేషన్ కోసం ఉపయోగించనుంది.. ఈ విషయం తెలిసి ఈమెను నెటిజెన్స్ అంతా మెచ్చుకుంటున్నారు.. తన వంతుగా ఎందరికో చేతనైన సహాయం చేస్తున్న ఈమె దయాగుణానికి ప్రశంసిస్తున్నారు.